من الخاص📩 السلام عليكم زوجي هاجرني الى اللحظه هذي كملنا سنه والهجر عباره عن نوم خارج المنزل في الغرفه الخارجيه ولايدخل البيت ولا في حوار ولا مواجه او جلوس مع بعض لدرجة اني صرت اذا شفته مثل الغريب هل يحق لي اطلب الطلاق او الخلع وهل هناك اعمار محدده للابناء حتى يستحقون النفقه علماً اني موظفه اسباب الهجر اشياء وهميه وصدقها

من الخاص📩 السلام عليكم جتني وظيفه من شركه لكن طلبو مني يفتحون باسمي سجل تجاري؟ وش الهدف وهل علي اضرار مستقبله ؟ ياليت تفيدوني .

من الخاص📩 السلام عليكم خطبنا لأخوي السنة اللي راحت ودفعنا 100,000 مهر، وبعد شهرين البنت قالت ما راح تكمل بدون سبب واضح أخوي انهبل وبدا يسألها، لكنها قالت مابي أكمل، فقذفها وسبها وهددها وصار خلاف كبير بين العائلتين، حتى اخوها الكبير ماكان راضي وهي ما كتبت كلمة وأبوها كان معها وطلب إنه يطلقها، وأخوي قال لهم ماني مطلق لو تطيرون البنت رفعت قضية فسخ شبه مخلوع، المهر رجع نصه لأنها أثبتت السب والقذف، وبعدها أخوي حاول يتواصل معها أكثر من مرة لكنها بلغت عليه ودفع تعويض الحين يحاول يلاحقها بأرقام جديدة لأنه مو قادر ينساها ويعيش، وهي ما راح تسكت، والوضع قانونيًا ممكن يتطور أكثر وش الحل ؟

من الخاص📩 السلام عليكم اتمنى من المحامين اخت زوجتي تجي وتنام عندها كثير وتدخن وسالتها عن وضعها وكذبت وبعدين اعترفت انها مطلقة ومستقلة ومرة راسلتني اختها انها تبغى فلوس وسالت زوجتي ليش تعطيها رقمي قالت هي طلبته مع العلم انها تخببها تطلع معها من البيت بدون اذني وقلت لها تبعد عنها وما رضيت وبعد مشاكل طلقت زوجتي وذحين تهددني ارجعها او ترفع فيني قضية تحرش باختها سؤالي شهادة طليقتي واختها علي اني تحرشت فيها وهي في بيتي بدون دليل مقبولة؟ وهل رسالتي لزوجتي اني اجي اصلح التلفزيون واختها موجودة والرسالة محفوظة عندها تعتبر قرينة تحرش وممكن انسجن لاني مابغى تأثير على وظيفتي او سمعتي واذا موقفي ضعيف برجعها درءاً للمشاكل وعدم الدخول في اروقة القضايا والمحاكم وشكرا

من الخاص📩 السلام عليكم تم عقد قراني ولكن الاب قرر ان يفسخ العقد لأسباب تتعلق بمستوى حي السكن وقاعه الفرح (اسباب ماديه) انا والبنت متفاهمين ومرتاحين لبعض لكن الاب لاغي شخصيه البنت ومالها كلمه عليهم ، سبق وطلعنا في السيارة مع بعض بدون دخول على البنت ١-ماذا سيحكم الشيخ ؟ ٢-اذا ذكرت اني راغب بالبنت ؟ ٣-هل سيسترجع المهر كامل ام النصف ؟ ٤-واذا رفضت الطلاق ؟ الحالات والاحتمالات اللي حتواجهني ؟؟

من الخاص📩 السلام عليكم أنا معلمه خدمتي 14 سنه وتعبت من التعليم نفسياً وجسدياً أحسني قاعدة أحترق وظيفياً أخذت إجازة ودرست دبلوم عالي موارد بشريه وبعدها بسنه درست دبلوم عالي حوكمة هل أقدر أشتري خدماتي لأصل لسن التقاعد 30 سنه أو هل لي راتب تقاعدي لو أستقلت وهل إذا قدمت إستقالتي بألاقي فرص كويسه بشهادتي بغض النظر عن العمر وعدم وجود خبره؟!!

من الخاص📩 السلام عليكم عندي صاحب لزوجي دايم يطلع معه ويسهر لين الليل وخرب زوجي خلاص يحمل ببجي ويسهر زوجي ابد ما كان كذا ماله الا سنه متغير وكلمت زوجي كثير وما فاد وانا عندي حساب صاحبه تويتر لو ارسل له رساله بادب محتواها ان خاف ربك ولا تظلم وتذكر ان اصحابك وراهم زوجات هل هذا يعتبر جرائم الكترونيه ؟ لان طفح الكيل عندي .

من الخاص📩 السلام عليكم انا عريس وماكملت شهرين من اول يوم قالت لي زوجتي مابي اكمل معك وهي اللي تطلب الطلاق لكن ماتبي تدفع المهر وتحاول تستفزني بكل الطرق عشان اطلقها وانا علي ديون ولمين الحين اسددها كيف اطلق وهي اللي كارهه افيدوني وش اسوي بذي الحاله

من الخاص📩 السلام عليكم اخوي له سنتين وهو متزوج ، وزوجته مهملته ما تطبخ له كل اكله من المطاعم ولا تغسل ملابسه ولا تقوله كلام حلو و مهملته بكل شيء ، وبعض من حقوقه الزوجيه ما تلبيه طلباته تقول تعبانه ، واخوي صابر و ساكت وطلباتها هي أوامر يعطيها الراتب و مرات الصرافه كلها ويقضي للبيت و مأدي كل حقوقها الزوجيه وماقصر عنها بشيء حتى مصروف يعطيها و مأدي كل شروطها الي شرطتها بأنها تشتغل و تسوق ومعها سيارة مامنعها بشيء والان هي تكلم جدتي تكذب عليه و تقول انه مايصرف عليها و تقول اهلها هم الي يصرفون عليها و كذبت بكلام كثير و ملبسته الغلط ، وحتى بيتها رجع واثث لها من جديد والمطبخ مفصله لها مع العلم ان اثاث زواجهم جديد وقال لها اكثر من مرا اطبخي لي يرجع من الدوام تعبان تقول له سو لنفسك يقول غسلي ملابسي تقول اغسل بنفسك ، الان هم متزاعلين وهي طالبه الطلاق عند اهلها، و كلهم ضد اخوي انه غلطان و سبق أن أعطاها رضوه ١٠آلاف وهو ماغلط عليها بشيء بس واجهها وطلب منها تهتم فيه وهي زعلت وكبرت المشكله مثل الحين وحطت الغلط عليه و قالت ارجع لك بس بشرط تعطيني رضوا ١٠ آلاف هذا كان في الماضي و فعلا رجعت والان تزاعلوا من جديد ،السؤال الحين ابي تفيدوني وش يسوي اخوي معهم كلهم قالبين ضده و اخوانها وامها ضده، و ماانجبت منه أطفال هل يرفع دعوى طلاق ويقدر يرجع المهر ؟ و لا وش يسوي ، هي تبيه يطلق .

من الخاص📩 السلام عليكم انا عمري 32 وماتزوجت الى الان مع العلم اني ولله الحمد شكلي جميل وشهادتي عاليه وماديتي فوق الممتازه وبنت من قبيله معروفه لكن سبحان الله على اني اجتماعيه وامي اجتماعيه اضعاف مضاعفه الا انه محد طق الباب علشاني كانه بيني وبينهم حجاب .. والمصيبه مو هنا المصيبه اني قبل سنتين سمنت وقال لي الدكتور بسوي لك تكميم لانك لو مانحفتي بتدخلين سكر وسويتها! وبعدها جاني نوع من الامراض المزمنه في المنطقه الحساسه اسمه تقرحات الغدد العرقيه 💔 وهالشي خلاني نادر اجتمع مع الناس هز ثقتي بنفسي وصرت حتى افكر انه لو جاء يوم وتقدم لي واحد كيف بصارحه عن هذا التقرح اللي فيني يفشل الموضوع مره وعلى فكره ماله علاج اللي فيني لانه مزمن 💔 بس اخذ ابر تهدي الالتهاب ذا حله الوحيد السؤال لو جاني احد هل لازم اصارحه بالموضوع بالشوفه يعني ولا متى؟ وهل اصلا فيه احد بيقبل فيني لو عرف عن هالشي؟

من الخاص📩 السلام عليكم زوجي كان على علاقة غير شرعية بفتاة، ورفعت عليه قضية تعدّي وضرب، وانسجن في قضية “مقدمات فاحشة”، ثم خرج بعفو. الآن الفتاة عادت تتواصل معه وتحرضه عليّ برسائل فيها تخبيب وإساءة، رغم أني ما أسأت لها أبدًا مثل خل زوجتك تبعد عني وليش ماتتخطاني وانا عشان عشرتنا مابي مشاكل!! يعني تحاول تتواصل معه وتحرضه مع العلم ان الفتاة يوجد مشاكل بيتها وبين اهلها بسبب السمعه وعلاقاتها وهي اصلا مو ساكنه عندهم تم طردها من البيت وبينهم قضايا سؤالي: هل أقدر أشتكي عليها بتهمة التخبيب بين الزوجين بدون ما يتضرر زوجي أو يُعاد فتح قضيته السابقة ؟ وايش ممكن يكون الحكم؟؟

من الخاص📩 السلام عليكم لدي سند لأمر على شخص نتيجة تعامل تجاري بيننا، وقد بدأت إجراءات التنفيذ عليه. إلا أن نشاطه يقوم على التقسيط والتمويل ويبدو أن هذا النشاط غير مصرح له. فهل يؤثر عدم نظامية نشاطه على حقي في السند أو يترتب عليه سقوط المطالبة ؟

من الخاص📩 السلام عليكم انا متضرر من مخالفات المروريه بسبب اخوي جاب علي تقريباً ٢٨٣ الف وش الاجراء عليه هل اقدر انقلها عليه لن مايقدر يسدد بسبب ديون متراكمه والان تضررت اخذت موافقته قال اذا قدرت تنقلها علي انا موافق .

من الخاص📩 السلام عليكم انا لي سنتين ونصف متزوج وكنت عارف ان زوجتي مطلقه لكم حصل خلاف قوي واكتشفت بعدين انها متزوجه من قبلي 3 اتمنى محد يستهبل لأن الان انا مدري وش اسوي قالوا طالب بالمهر هي ناشز وغاشينك وش الحل هل لي حق بالمطالبه بعد المعرفه او لا وشكراً .

من الخاص📩 السلام عليكم نويت اشتري روف ولما شفت الموقع اول مرة اعجبني وكلمت المسوق ( موثق ) وقال حول عربون 5000 ريال احجزه لك عشان جدية التفاوض في السعر مع المالك وقال اكتب عربون مسترد ، وحولت للحساب الشخصي للمسوق، وبعد 5 ايام بالضبط طلعت بمهندس على الموقع وطلع فيه مشاكل واجدة ويوجد تقرير رسمي من الشركة الهندسية بالمشاكل ، كلمت المسوق بأن لايوجد نصيب في الشراء فقال مالك عندي شي وانت فوتّ علي زبونين وقفل بوجهي وحظرني ؟ كرماً ارشدوني وفقكم الله

من الخاص📩 السلام عليكم ورحمة الله وبركاته امي هاجرها ابوي من ٢٠ سنه من اول ما انولدت ولا يصرف ولا شي واخذ الضمان حق امي وحقي انا واخواتي وهو متزوج وحده مجهوله الهوية ومسجل عيالها بإسم امي ولا درينا الا قريب هل ممكن الموضوع يضر امي ؟ وكيف ممكن نتخلص من المشكله ذي برغم من ان ابوي مخلينا في بيته وساكت من ناحيه انه يطردنا من البيت بسبب هذا الموضوع وامي برضو خايفه من انه يطردنا وهل ممكن ناخذ الضمان بطريقه آخر بحيث ما نطلبه بشكل مباشر ؟

من الخاص📩 السلام عليكم رفعت دعوه تحرش ( حركه الإصبع الوسط ) على شخص تم التوثيق بواسطة كاش كام . واتصل علي وعرض مبلغ مالي مقابل التنازل هل إذا تنازلت هل هذا صحيح ولا انتظر الجلسه !

من الخاص📩 السلام عليكم خطبت من شروط الزواج في العقد مصروف شهري سؤالي هل يحق لها ايام الملكه مصروف او بعد الدخول .

من الخاص📩 السلام عليكم عندي سؤال أنا بشركة خاصه وطلبو اسمي عشان يطلعون شريحة لأجنبي ودخلت نفاذ وكل شي وافقت وقالو لي اني ماتحمل مسوولية اي مبلغ مالي بس يحتاجون اسمي وصدق خفت هل فيها شي ولا عادي؟